Die kroeg en die kerk lê langs mekaar en daar lê die ding. Hier was nog altyd ‘n drankwinkel in die dorp en die pryse was goed.
Toe tree een van die belangrike staatsdiens-amptenare af en gebruik sy pensioen om die drankwinkel te koop. Die eerste keer wat ek daar ingaan, loop alles mooi. Toe ek nou weer daar kom net een maandjie later, is my medisyne, dis nou whiskey, sommer R15 duurder. Draai toe maar om, dis nou net een te erg.
Saterdag gaan die gesprek tussen my en my saterdag-oggend-venster-raam-restoureerder so.
Ekke:. hene maar daardie bottelstoor het darem oornag baie duur geword nê.
Hy; Nee jy moenie soontoe gaan nie, Sien,jy ry nou voor die Metodiste kerk verby nê, en net langsaan is ‘n groot huis en dan loop jy net so in die gangetjie af langs die huis en daar is die bottelstoor. Dis anti Dien se neef. (almal is een of ander iets van die ander hier)
So ry ek toe vandag die roete, sien nie ‘n enkelte ding van die straat af nie, Om die waarheid te sê het ek al seker 100 keer daar verby gery. Loop versigtig in die gangetjie af en sowaar, skoon en netjies, binne die wet en alles, en goedkoper as enige ander plek. “By word of mouth” bly maar koning.
Wil net sê my swaeltjies is nou amptelik 22 dae laat. Hier is nog nêrens enige swaeltjies te sien nie. My hart sit in my skoene.
Hier by ons het ons al ‘n paar gewaar! Swaeltjies nie drankwinkels nie!
Dalk is hulle nie lus om so ver te vlieg hier na ons toe nie.
Dis dalk nog te koud by julle?
Moet sê daar is nog nie baie nie maar die insekte is ook maar min
Tina, sal dit nie ‘n lekker tema maak nie, eienaardige bottelstore…
Oulike winkeltjie..eg Afrika!Dis nog baie koud.Ek dink die swaeltjies weet dit.Hulle sal weldra opdaag.
Ek moes eintlik binne ook afgeneem het, klein maar te cute vir woorde…
Ons spog natuurlik met ons se eie drive thru drankwinkel!
Ek hoop jou swaeltjies kom gou.
O dan moet jy dadelik ‘n foto opsit want dit is waarskynlik die enigste !
Hehehe, ek sal een dag gou na werk daar gaan stop en ‘n foto neem.
Dis reg langs die vulstasie, effens vreemd.
Klerksdorp had ook so ‘n drive through drankwinkel, soos KFC. Kreatiewe verkoopstegniek!
Ja dis nogal ‘n oulike idee!
Is nou oppad Kaap toe vir my avontuurtjie en is kinderlik opgewonde !
Ja nee magtig
Hy kan nie die plesier watertjies so duur maak nie jinne
Jip, hy leer op die duur manier 😉